الهوية البصرية

سلمى عندها مشروع صغير بتبيع عطور، بوكسات هدايا، وتغليف للمناسبات.

منتجاتها جميلة، وذوقها عالي، والناس البتطلب منها غالباً بترجع تاني.

لكن شكل المشروع في السوشيال ما كان ثابت. مرة التصميم وردي. مرة ذهبي. مرة بخط مختلف. مرة الشعار ظاهر، ومرة لا. والبوكسات نفسها ما فيها لمسة تخلي الناس تتذكر اسم المشروع.

سلمى كانت حاسة إنو شغلها أحلى من شكلو الظاهر للناس.

لما اشتغلنا معاها على الهوية البصرية، بدأنا من إحساس المشروع: ناعم، مرتب، مناسب للهدايا، وفيه لمسة فخامة بسيطة.

عملنا ليها شعار، ألوان ثابتة، خطوط، ستايل بوستات، استكرات للتغليف، وكروت شكر صغيرة مع الطلب.

بعد الهوية، المشروع بقى عندو شكل واضح. الزبونة أول ما تشوف البوست أو البوكس تعرف إنو ده شغل سلمى.