السوشيال ميديا

الأستاذ ياسر عنده مركز تدريب صغير، بقدم كورسات في الكمبيوتر، اللغة الإنجليزية، والمحاسبة.

المركز كان عندو صفحة، لكن الصفحة ما كانت بتساعد في التسجيل. كل فترة ينزلوا إعلان للكورس، وبعدها يختفوا. ما في محتوى يشرح فائدة الكورس، لمنو مناسب، الطالب حيتعلم شنو، والشهادة حتفيدو كيف.

الناس كانت تسأل نفس الأسئلة كل مرة: "الكورس ببدأ متين؟" "الرسوم كم؟" "أونلاين ولا حضوري؟" "الشهادة معتمدة؟" "المستوى مناسب للمبتدئين؟"

المشكلة ما كانت في الكورسات. المشكلة إنو الصفحة ما كانت بتشرح وتطمن الطالب قبل التسجيل.

بدأنا نرتب محتوى الصفحة بطريقة أوضح: بوستات تعريفية بالكورسات، أسئلة شائعة، قصص طلاب، فوائد كل كورس، مواعيد التسجيل، وبوستات بسيطة بلغة قريبة من الناس.

بعد فترة، الرسائل بقت أوضح. بدل "الكورس شنو؟" بقى الطالب يرسل: "أنا داير أسجل في كورس المحاسبة، الإجراءات شنو؟"